مديح المصطفي صلي الله عليه وسلم
يا امام الدين يا زين الخبر


يا رسول الله يا خير البشر.. يا إمام الدين يا زين الخبر

يا جمال الحق يا بدر الدجى.. يا كنوز السر يا روح الصور

يا بدور التم يا بحر الندى.. يا معاني الحق يا سر السور

يا نبي الانبياء يا سيداً.. حاز كل الفخر والمجد الأغر

يا سرور القلب في الدارين يا.. ملجأ القصاد يا مجلي الكدر

يا غياثي يا ملاذي يا ولي.. أمرنا دنيا وفي يوم الشرر

قد وقفنا كلنا بالباب يا.. سامعاً سؤلي أيا خير الخير

نبتغي من فيضك الهامي علا.. وعلوماً وسلوكاً للأثر

ورشاداً وصلاحاً مصلحاً.. لبني ايضاً ومن بالفكر مر

وفتوحاً وانشراحاً دائماً.. يمنع الألباب عن نهج الضرر

وغيوثاً هاطلات تحينا.. يا رسول الله يا من انت أبر

يا رسول الله إنا كلنا.. نبتغي العرفان منكم والنظر

يا رسول الله فارحمنا بما؛؛ يهدنا نهج الهدى كنز الدرر

يا رسول الله ما لي غيركم.. أ حد أرجوه فارحم لا تذر

يا رسول الله فاهدي للحجي.. بسنا نلقى به كل الوطر

يا رسول الله فأحضرني لدى.. قبض روحي قبل تغميض البصر

يا رسول الله محمود له.. فيك شوق حره فيه استمر

اعطه ما رامه يا سيدي.. عجلن انت المقيض كالمطر

وكذا من في الورى قد أمه.. بوداد أو له حبا ذكر

أنت سر الجود والجود بكم.. قد علا فوق العلا حتى استقر

وعليك الله صلى دائماً.. ما شدا شاد لدى وقت السحر

وعلى آلك والأصحاب من.. بصفاهم ينجلي عنا الكدر

صلاة الله الباعثنا .. على محمد ريسنا

كريم يا بارى خلصنا .. من ابليس لايدنسنا
من الخير لا يفلسنا ..

عليه بالتقوى فرسنا .. بقهرن فوقوا درسنا
حتى لايبقى خالسنا

تكون التقوى مارسنا .. يريم الخير يجالسنا
يطيع من كان عايزنا .. 

وتحمل ليهو مجالسنا .. تكون حرزن تؤسسنا
وتارث من يوارثنا

وقوم يازيدي حسسنا .. واقعد بينا جلسنا
بقولاً حالي انسنا..
 
بفتح الماهو حارسنا .. كريماً بيهو خصصنا
نظام السبق فرزنا

على مصباحنا ريسنا .. خطابا ليهو خصصنا
اذا ما الدر ميسنا ..
 
وكل احبابى تارسنا .. نهيم ونقاهى هجسنا ..
طرابا وبيهو عرسنا

محمد زاد الحسنى, .. وطابت بيهو انفسنا
شفيعنا وباقى ريسنا
 
فى يوم البعث مهندسنا .. وفى الجنات مورثنا
من النيران مخلصنا

رسولنا الجاهو اسسنا .. على الاقوام فرزنا
وطاف بى مسو اورثنا ..
بقول الله حدثنا, حلفنا يمين لاما حننساه
رسولا غيرو ما كسنا

عظيمه اخلاقه الحسنى, له البارى كريم اثنا,
بمدحو تهنا غوصنا
عشرناهو وسدسنا, ربعناهو و خمسنا,
عشرنا شالو ما قسنا

فلاح البرقُ هارسنا .. غرامو وحبوا دارسنا
عبيرو و روحو غارسنا 

كريم يا بارى ثلثنا .. بزورة سوحو خصصنا
كساهو وقبرو مسسنا

وقيع ياقابنا وريسنا .. بشير محبوبنا يجالسنا
مقاما عالى يأنسنا
 
التاج والحله لبسنا, معاك فى الروضة اجلسنا,
خطاباً بيهو اريثنا

عدد ما صاح دارسنا.. ومانطقت احاديثنا
وحسّ ونام ناعسنا
 
ابن سليمان تؤسسنا .. صلاة الله الباعثنا
على محمد ريسنا

---

الهي صلي على الخيارى محمد الجانا بالشارة
شرعت مدحا باسم ربي الهانا المنهو الجبارة
واحد الحق جلاله جل وفي غناه العباد فقارى
ومالك الملك والملوك وجاعل الليل والنهار
دحى الارض بالجبال رساها رفع سماه حاكم البصارة
ثنيت بي صاحب الرياسة محمد الاتى بالنذارة
شفيعنا يوم موقف القيامة نهار يقومو الخلوق حيارى
ملا الجبين بالعرق عرايا وشاخصات العيون سكارى
من العلينا الجميع بكينا ماحالة طال الوقاف فتارى
علي الرسل جملتم شكينا بلاه ما عندهم قدارى
وبعد ذلك اتينا عيسى وقال يا امتو البشارة
ياقومو داك الرسول محمد وصاحب الشامة والامارة
مشينا زفة علي المصفى جلى الوجوه من بعد غبارا
حبيبي لي ربه خر ساجد وقالو قوم هيلك الخيارا
وانت يا الشافع المشفع تنال مرادك في ذا النهارا
نعيمي بيك وخلقتو ليك على الامم امتك بدارا
مع عجبنا يزيد طربنا يزخرفولنا السما ديارا
معاهو فزنا نعيما حزنا ملابس العز والافتخارا
المسك ترابا الحسان شبابا صبايا عين كلهن صغارا
بناها عالي وسكونا فالي بناها لا سوم لا تجارا
بناتا بكر طعاما سكر عقودن اللولي والكرارا
وجوها تضوي وحجولا تعوي وتدهشك من حسن وقارا
وكت يجنك يعجبنك مساويات ما فيهن قصارى
في كل اصبع مسوي خاتم تجيك تالا ايدا بي سوارا
ولافي ضربا ولافي حربا ولافي غصبا ولافي غارة
يجيه المسلمين جميعا صليحو فاز كردفان وبارا
سواكن البر صعيد وسافل شروق غروب لا عرب فزارا
بجاهك اخواني بيك تمنو مويس مع شنتي والحوارا
ولد سعد ود بليل وصالح يفوزو في زفتك بدارا
لبيبك الماحي فيك ظنو عبيدك العايب الخسارة
ذنوبو خايف يجرسنو طبايعو افسل فيه حرارا
نهار سقيم شوفو اعفو عنو عند الممات لا يضوق مرارا
في قبرو حورا يآنسنو مطيعة ما بعرفن الضرارا
صلاتي ترضي بعد فرض عليك يا مركز الحيارى
نبات الارض نبق وقرض تفوق علي القطر والبحارا
تقول في عرضي حوجن تقضي لبيبكم عاوز الاجارة
الهي صلي على الخيارا محمد الجانا بالبشارة

اللهم صلي على النبى الاواب
يــــا رب

يا واسع الكرم اسعنا بالاحلام
بالعفو والرضا ذوينا فى الاسلام
واكفينا الخطوب فى الدنيا والآلام
بالكلمه التكون نكتب كلامنا كلام


عمرى بالاسف فى الطاعه ما بدر
فى الطغى والملاهى والمفسدات ودر
انتحل الجسم من الذنوب جدر
و العيش الهنى بعد الصفى اتكدر
ارجوك يا كريم ظل الكيان قدر
النفس المسيئه الطامحة تتفجر
واعمالى التطيب من قبل ما اتحدر
اشرب من كؤوس اهل الفيهو اتقدر

يا محى الرفات يا دافع الافات
ادعوك بالقلاقل ثم و القافات
بالكرسى ويس ثم بالصافات
بعين الرضا انظرنى وامحو الفات
يا قوم الرسول جيد لى و جيد ليكم
من الله المغفرة صاد للغضب ليكم
ذو الفضل العظيم محل نظر ليكم
كرما من حبيب اخد الرضا ليكم

حبا فى الرسول ذاك اكرم الكرما
اب كفا غنى الايتام والصرما
الخامد عقب نار ام دحين ظلما
الجاب الخلق جايهومن جرما
يا قوم الرسول احمد مكفيكم
واهوال القيامة الطامة تافيكم
و انواع المتع بالراحه تاتيكم
كرما من الذى على معاليكم


صلاتى على الرسول صلاتى على النبى

عاجبنى الصحابة الصادقين وعدا
اوفو مع نبيهم ايهما عهدا
لله جاهدو ابا على جدا
سل عنهم حنين سل بدر سل احدا

يا نعم الصحابة الطيبه اعمالم
لله انفقو نفوسم واموالم
الدين عززو اسيادى النصر فالم
فى وسط المحاص معروفه هم حالم

يا قوم الرسول مغفورة ذلتكم
يا قوم الرسول دامت مسرتكم
يا قوم الرسول امن مخافتكم
يا قوم الرسول ضامن كفايتكم

مين متل الرسول كل المراد نايل
مين متل الرسول حمل الامم شايل
مين متل الرسول حسنو البديع هايل
مين متل الرسول له الحياة خايل

اللهم صلى على النبى الاواب
ما مثل الرسول بشرا ولا ملكا
اب خلقا عظيم السرج الحلكن
والاثر العروج فخر الذى سمكا
والشاكى الالم الشاكى روعو سكن
يا نعم الرسول اعلى الرسل شرفا
اوصاف الرسول فى الرسل متصفا
راحات الرسول كفارة وشفا
حين شار للسما بس سحبو ما وقفا


بي فخر الرسول الكائنات فخرا
لو لام السما و الارض انفطرا
قطعا فى الرمال ما بان له اثرا
حين شار للسما اسبوع سقط مطرا
يا نعم الرسول يا نعم قوم انتم
يا بشراكم خير العباد كنتم
بسبق الرضا يا الطيبين طبتم
فوتو القبلكم والخير جميع حزتم

غيرو منو الذى جابتهو بت وهبا
غيرو منو الذى خامد داوت لهبا
غيرو منو الذى اتى الجبال ذهبا
غيرو منو الذى كان للوجود سببا

البعوضة
يا من يري مد البعوضة جناحها في ظلمة الليل البهيم الاليلي
ويري مناط عروقها في نحرها والمخ من تلك العظام النحل
ويري خرير الدم في اوداجها متنقلا من مفصل في مفصل
ويري مكان الوطأ من اقدامها في سيرها وحثيثها المستعجل
ويري وصول غذاء الجنين ببطنها في ظلمة الاحشاء بغير تمقلي
ويري ويسمع حس ما هو دونها في قاع بحر مظلم متهول
ربي سألتك بالرسول محمد وبما تلاه من الكتاب المنزل
امنن علي بتوبة تمحو بها ما كان مني في الزمان الاول